manzil hai kaThin kam zad-e-safar malum nahin kya hona hai

manzil hai kaThin kam zād-e-safar ma.alūm nahīñ kyā honā hai

aur lañgDā apāhij hai rahbar ma.alūm nahīñ kyā honā hai

ḳhā.if na ho kyuuñ har fard bashar ma.alūm nahīñ kyā honā hai

hai vaqt ke hāthoñ meñ hunter ma.alūm nahīñ kyā honā hai

dekhā hai ye aksar shaam o sahar rah-rau to hai rah-rau ḳhud rahbar

har gaam pe khāte haiñ Thokar ma.alūm nahīñ kyā honā hai

lafzoñ kā bayāñ dilkash dilkash duniyā-e-amal suunī suunī

schemeñ haiñ gaTThar kā gaTThar ma.alūm nahīñ kyā honā hai

āzādī ke phal rañgīñ rañgīñ khāne meñ bahut mīThe mīThe

kiiḌe haiñ magar andar andar ma.alūm nahīñ kyā honā hai

garmi-e-mizāj-e-dost kā ham andāza kareñ to kaise kareñ

bigḌā huā hai thermometer ma.alūm nahīñ kyā honā hai

hairāñ huuñ ki is gardūñ ke tale tanzīm kī gaaḌī kaise chale

pahiye meñ hazāroñ haiñ puncture ma.alūm nahīñ kyā honā hai

maalī to hai kuchh rūThā rūThā aur ahl-e-chaman bigḌe bigḌe

bijlī kī nazar chhappar chhappar ma.alūm nahīñ kyā honā hai

gesū haiñ pareshāñ bulbul ke aur chaak girebāñ haiñ gul ke

panic meñ hai sabza shaam o sahar ma.alūm nahīñ kyā honā hai

be-lazzat kaif-o-mastī ke mallāh bhī himmat haare haiñ

ḳhushkī meñ phañsā hai ambassador ma.alūm nahīñ kyā honā hai

hai shaiḳh kī milkiyyat ka.aba mīrās-e-barahman but-ḳhāna

chhā.e hue har-sū haiñ joker ma.alūm nahīñ kyā honā hai

pherī haiñ ahibbā ne āñkheñ badle haiñ aizza ne tevar

hai 'shauq' har ārāzī banjar ma.alūm nahīñ kyā honā hai

manzil hai kaThin kam zad-e-safar malum nahin kya hona hai

aur langDa apahij hai rahbar malum nahin kya hona hai

KHaif na ho kyun har fard bashar malum nahin kya hona hai

hai waqt ke hathon mein hunter malum nahin kya hona hai

dekha hai ye aksar sham o sahar rah-rau to hai rah-rau KHud rahbar

har gam pe khate hain Thokar malum nahin kya hona hai

lafzon ka bayan dilkash dilkash duniya-e-amal suni suni

schemen hain gaTThar ka gaTThar malum nahin kya hona hai

aazadi ke phal rangin rangin khane mein bahut miThe miThe

kiDe hain magar andar andar malum nahin kya hona hai

garmi-e-mizaj-e-dost ka hum andaza karen to kaise karen

bigDa hua hai thermometer malum nahin kya hona hai

hairan hun ki is gardun ke tale tanzim ki gaDi kaise chale

pahiye mein hazaron hain puncture malum nahin kya hona hai

mali to hai kuchh ruTha ruTha aur ahl-e-chaman bigDe bigDe

bijli ki nazar chhappar chhappar malum nahin kya hona hai

gesu hain pareshan bulbul ke aur chaak gireban hain gul ke

panic mein hai sabza sham o sahar malum nahin kya hona hai

be-lazzat kaif-o-masti ke mallah bhi himmat haare hain

KHushki mein phansa hai ambassador malum nahin kya hona hai

hai shaiKH ki milkiyyat kaba miras-e-barahman but-KHana

chhae hue har-su hain joker malum nahin kya hona hai

pheri hain ahibba ne aankhen badle hain aizza ne tewar

hai 'shauq' har aaraazi banjar malum nahin kya hona hai