manzil ke dur dur tak aasar tak bhi nahin

manzil ke duur duur tak āsār tak bhī nahīñ

maiñ raah meñ Thaharne ko tayyār bhī nahīñ

hālāt kah rahe haiñ ki is daur-e-nau ke log

so.e hue nahīñ haiñ to bedār bhī nahīñ

mujh ko agar paḌhā to bhulā pā.egā na vo

maiñ har nazar meñ sub.h kā aḳhbār bhī nahīñ

jo dūsroñ ke ghar meñ ujālā na kar sake

maiñ aisī raushnī kā talabgār bhī nahīñ

'nāzir' matā-e-dil ye kahāñ le ke aa ga.e

pahlī sī ab vo garmi-e-bāzār bhī nahīñ

manzil ke dur dur tak aasar tak bhi nahin

main rah mein Thaharne ko tayyar bhi nahin

haalat kah rahe hain ki is daur-e-nau ke log

soe hue nahin hain to bedar bhi nahin

mujh ko agar paDha to bhula paega na wo

main har nazar mein subh ka aKHbar bhi nahin

jo dusron ke ghar mein ujala na kar sake

main aisi raushni ka talabgar bhi nahin

'nazir' mata-e-dil ye kahan le ke aa gae

pahli si ab wo garmi-e-bazar bhi nahin