manzil mile be-hausla-e-jaan nahin dekha

manzil mile be-hausla-e-jāñ nahīñ dekhā

hote hue aisā to kabhī haañ nahīñ dekhā

ġhair aa.e ga.e phuul chune bū bhī uḌaa.ī

ham aise ki apnā hī gulistāñ nahīñ dekhā

dāman bhī salāmat hai garebāñ bhī salāmat

ai josh-e-junūñ tujh ko numāyāñ nahīñ dekhā

haiñ tere tasallut meñ fazā.eñ bhī zamīñ bhī

tujh meñ hī magar zauq-e-sulaimāñ nahīñ dekhā

hai chashm-e-tasavvur bhī ye darmāndā-o-ājiz

tujh ko kabhī ai jalva-e-pinhāñ nahīñ dekhā

ehsās-e-ziyāñ vaa.e ki hai rū-ba-tanazzul

kal thā jo use aaj pashemāñ nahīñ dekhā

kitne hī suḳhan-var-o-suḳhan-dāñ 'nazar' aise

jin ko kabhī mahfil meñ ġhazal-ḳhvāñ nahīñ dekhā

manzil mile be-hausla-e-jaan nahin dekha

hote hue aisa to kabhi han nahin dekha

ghair aae gae phul chune bu bhi uDai

hum aise ki apna hi gulistan nahin dekha

daman bhi salamat hai gareban bhi salamat

ai josh-e-junun tujh ko numayan nahin dekha

hain tere tasallut mein fazaen bhi zamin bhi

tujh mein hi magar zauq-e-sulaiman nahin dekha

hai chashm-e-tasawwur bhi ye darmanda-o-ajiz

tujh ko kabhi ai jalwa-e-pinhan nahin dekha

ehsas-e-ziyan wae ki hai ru-ba-tanazzul

kal tha jo use aaj pasheman nahin dekha

kitne hi suKHan-war-o-suKHan-dan 'nazar' aise

jin ko kabhi mahfil mein ghazal-KHwan nahin dekha