manzil nahin hai pas to kya rahguzar to hai

manzil nahīñ hai paas to kyā rahguzar to hai

is dasht-e-zindagī meñ ġhubār-e-safar to hai

duniyā agar nazar bhī phirā le to ġham nahīñ

merī nazar ke saath tumhārī nazar to hai

vo mujh se duur duur sahī be-ḳhabar nahīñ

maanā guhar nahīñ magar āb-e-guhar to hai

jab chāheñge rihā.ī dilā deñge vo kahīñ

qaid un kī zulf hī meñ hamārī sahar to hai

jiinā hī jab hai ham ko to hañs ke jiyeñge ham

daulat nahīñ hai haath meñ lekin hunar to hai

'rāhī' mujhe siyāhī-e-shab kyā Darā.egī

pahlū meñ qalb ban ke naqīb-e-sahar to hai

manzil nahin hai pas to kya rahguzar to hai

is dasht-e-zindagi mein ghubar-e-safar to hai

duniya agar nazar bhi phira le to gham nahin

meri nazar ke sath tumhaari nazar to hai

wo mujh se dur dur sahi be-KHabar nahin

mana guhar nahin magar aab-e-guhar to hai

jab chahenge rihai dila denge wo kahin

qaid un ki zulf hi mein hamari sahar to hai

jina hi jab hai hum ko to hans ke jiyenge hum

daulat nahin hai hath mein lekin hunar to hai

'rahi' mujhe siyahi-e-shab kya Daraegi

pahlu mein qalb ban ke naqib-e-sahar to hai