manzil pe dhyan humne zara bhi agar diya

manzil pe dhyān ham ne zarā bhī agar diyā

ākāsh ne Dagar ko ujāloñ se bhar diyā

rukne kī bhuul haar kā kāran na ban sakī

chalne kī dhun ne raah ko āsān kar diyā

paanī ke bulbuloñ kā safar jānte hue

tohfe meñ dil na denā thā ham ne magar diyā

pīpal kī chhāñv bujh ga.ī tālāb saḌ ga.e

kis ne ye mere gaañv pe ehsān kar diyā

ghar khet gaa.e bail raqam ab kahāñ rahe

jo kuchh thā sab nikāl ke fasloñ meñ bhar diyā

manDī ne luuT liiñ javāñ-fasleñ kisān kī

qarze ne ḳhud-kushī kī taraf dhyān kar diyā

manzil pe dhyan hum ne zara bhi agar diya

aakash ne Dagar ko ujalon se bhar diya

rukne ki bhul haar ka karan na ban saki

chalne ki dhun ne rah ko aasan kar diya

pani ke bulbulon ka safar jaante hue

tohfe mein dil na dena tha hum ne magar diya

pipal ki chhanw bujh gai talab saD gae

kis ne ye mere ganw pe ehsan kar diya

ghar khet gae bail raqam ab kahan rahe

jo kuchh tha sab nikal ke faslon mein bhar diya

manDi ne luT lin jawan-faslen kisan ki

qarze ne KHud-kushi ki taraf dhyan kar diya