mar gaya main dard-o-gham se par na aaya yar hae

mar gayā maiñ dard-o-ġham se par na aaya yaar haa.e

kis qadar be-rahm hai yāroñ mirā dil-dār haa.e

sab se milte-julte ho tum ham se rahte ho judā

ġhair ko gul jānte ho aur ham ko ḳhaar haa.e

sab ko izzat ho jahāñ meñ haa.e kaisā ye sitam

terā āshiq ho zalīl-o-be-vaqār-o-ḳhvār haa.e

ġhair kī chhātī se lag jaate ho mere sāmne

bolnā bhī ham se rakhte ho piyāre aar haa.e

mar gayā vo shaḳhs jis se tum ko milnā aar thā

kaun thā vo terā 'rashkī' āshiq-e-sarshār haa.e

mar gaya main dard-o-gham se par na aaya yar hae

kis qadar be-rahm hai yaron mera dil-dar hae

sab se milte-julte ho tum hum se rahte ho juda

ghair ko gul jaante ho aur hum ko KHar hae

sab ko izzat ho jahan mein hae kaisa ye sitam

tera aashiq ho zalil-o-be-waqar-o-KHwar hae

ghair ki chhati se lag jate ho mere samne

bolna bhi hum se rakhte ho piyare aar hae

mar gaya wo shaKHs jis se tum ko milna aar tha

kaun tha wo tera 'rashki' aashiq-e-sarshaar hae