marg-e-ashiq par jo barham ho do-alam ka waraq

marg-e-āshiq par jo barham ho do-ālam kā varaq

haif hai ai jaañ tujhe malnā kaf-e-afsos kā

vasl meñ dushvār niklegā hamāre dil se ġham

chhoḌnā āsāñ nahīñ hai ḳhāna-e-fānūs kā

kyā likhe dekhe sitamgar ma.anī-e-lafz-e-vafā

phaaḌ Daalā kyoñ ḳhafā ho kar varaq qāmūs kā

sāmne āñkhoñ ke lahrātā hai merā dūd-e-dil

kyoñ tujhe bāvar nahīñ munkir na ho mahsūs kā

dam-ba-dam aatā hai aḳhbār-e-daroġh-o-rāst sab

bad-gumānī naam hai ushshāq ke jāsūs kā

kis shikār-afgan kī aatī hai savārī dasht meñ

muntazir ek ek vahshī hai sadā-e-kūs kā

rū-ba-rū-e-haq na iḳhfā-e-mohabbat ho sakā

sub.h-e-mahshar se magar parda mire nāmūs kā

sair kartā huuñ nagīn-e-dil 'shahīdī' zahr se

kanda is par maiñ karūñgā naam shāh-e-tūs kā

marg-e-ashiq par jo barham ho do-alam ka waraq

haif hai ai jaan tujhe malna kaf-e-afsos ka

wasl mein dushwar niklega hamare dil se gham

chhoDna aasan nahin hai KHana-e-fanus ka

kya likhe dekhe sitamgar mani-e-lafz-e-wafa

phaD Dala kyon KHafa ho kar waraq qamus ka

samne aankhon ke lahraata hai mera dud-e-dil

kyon tujhe bawar nahin munkir na ho mahsus ka

dam-ba-dam aata hai aKHbar-e-darogh-o-rast sab

bad-gumani nam hai ushshaq ke jasus ka

kis shikar-afgan ki aati hai sawari dasht mein

muntazir ek ek wahshi hai sada-e-kus ka

ru-ba-ru-e-haq na iKHfa-e-mohabbat ho saka

subh-e-mahshar se magar parda mere namus ka

sair karta hun nagin-e-dil 'shahidi' zahr se

kanda is par main karunga nam shah-e-tus ka