marhala did ka dushwar nahin hai koi

marhala diid kā dushvār nahīñ hai koī

ishq kī raah meñ dīvār nahīñ hai koī

kis qadar sard huā hausla-e-sang-zanī

shīsh-mahloñ pe bhī yalġhār nahīñ hai koī

dil hue jauhar-e-ehsās-e-vafā se mahrūm

ab ġham-e-ishq kā me.aar nahīñ hai koī

log baiThe haiñ añdheroñ kī tijārat karne

chāñd sūraj kā ḳharīdār nahīñ hai koī

jaane kis samt mohabbat meñ ga.e dīvāne

aaj hangāma-e-sardār nahīñ hai koī

qāfile vaale jidhar ruḳh hai chale jaate haiñ

jaise ab qāfila-sālār nahīñ hai koī

dhuup hī dhuup meñ pahroñ tujhe chalnā hai 'majīd'

duur tak sāya-e-dīvār nahīñ hai koī

marhala did ka dushwar nahin hai koi

ishq ki rah mein diwar nahin hai koi

kis qadar sard hua hausla-e-sang-zani

shish-mahlon pe bhi yalghaar nahin hai koi

dil hue jauhar-e-ehsas-e-wafa se mahrum

ab gham-e-ishq ka mear nahin hai koi

log baiThe hain andheron ki tijarat karne

chand suraj ka KHaridar nahin hai koi

jaane kis samt mohabbat mein gae diwane

aaj hangama-e-sardar nahin hai koi

qafile wale jidhar ruKH hai chale jate hain

jaise ab qafila-salar nahin hai koi

dhup hi dhup mein pahron tujhe chalna hai 'majid'

dur tak saya-e-diwar nahin hai koi