marhale aise bhi aksar aae

marhale aise bhī aksar aa.e

phuul barsā.e to patthar aa.e

ik faqat aap ke ho jaane se

kitne ilzām mere sar aa.e

jaam Thukrā diye jab bhī maiñ ne

sāmne mere samundar aa.e

ek chehre pe bashārat na milī

an-ginat chehroñ ko paḌh kar aa.e

bhuul jaate haiñ parinde maañ ko

jab bhī uḌne ko zarā par aa.e

aap kā shahr ki thā shahr-e-adab

be-adab is meñ bhī kuchh dar aa.e

ishq meñ 'tāj' kashish ho aisī

ḳhud hī mahbūb taḌap kar aa.e

marhale aise bhi aksar aae

phul barsae to patthar aae

ek faqat aap ke ho jaane se

kitne ilzam mere sar aae

jam Thukra diye jab bhi main ne

samne mere samundar aae

ek chehre pe bashaarat na mili

an-ginat chehron ko paDh kar aae

bhul jate hain parinde man ko

jab bhi uDne ko zara par aae

aap ka shahr ki tha shahr-e-adab

be-adab is mein bhi kuchh dar aae

ishq mein 'taj' kashish ho aisi

KHud hi mahbub taDap kar aae