marmarin paikar damakta mahtabi raat mein

marmarīñ paikar damaktā māhtābī raat meñ

barq paare gholtā hai mere ehsāsāt meñ

raqs kartī ik hasīna le ke ḳhanjar haath meñ

daf.atan bijlī chamak jaatī ho jaise raat meñ

thaap table kī chhanak paa.el kī ye barsāt meñ

māhī-e-be-āb huuñ bistar pe tanhā raat meñ

sab mirī dīvāngī se tang aa kar jā chuke

ab koī aaseb bhī baaqī nahīñ khañDarāt meñ

qurbatoñ ke lams kī sarshāriyoñ kā hai nasha

sham.a kī lau par patange jal rahe haiñ raat meñ

hūr-o-ġhilmāñ kausar-o-tasnīm ke va.ade ke saath

tazkira hai jannat-ul-firdaus kā āyāt meñ

marmarin paikar damakta mahtabi raat mein

barq pare gholta hai mere ehsasat mein

raqs karti ek hasina le ke KHanjar hath mein

dafatan bijli chamak jati ho jaise raat mein

thap table ki chhanak pael ki ye barsat mein

mahi-e-be-ab hun bistar pe tanha raat mein

sab meri diwangi se tang aa kar ja chuke

ab koi aaseb bhi baqi nahin khanDaraat mein

qurbaton ke lams ki sarshaariyon ka hai nasha

shama ki lau par patange jal rahe hain raat mein

hur-o-ghilman kausar-o-tasnim ke wade ke sath

tazkira hai jannat-ul-firdaus ka aayat mein