marne ki tamanna hai na jine ki hawas hai

marne kī tamannā hai na jiine kī havas hai

gulshan meñ nasheman hai na sahrā meñ qafas hai

bhaTke hue raahī ke qadam letī hai manzil

is raah meñ paiġhām-e-sukūñ bāñg-e-jaras hai

dekho to zarā da.avā-e-arbāb-e-mohabbat

har rang meñ pinhāñ koī unvān-e-havas hai

gulzār-e-mohabbat hai ki bustān-e-haqīqat

bulbul hai sharar-bār to gul sho.ala-nafas hai

ashkoñ se nahīñ dīda-e-ġhamnāk ko matlab

āñkhoñ meñ mirī nargis-e-bīmār kā ras hai

kho.e hue raahī haiñ to bhaTke hue rahbar

is daur meñ 'zamzam' jo na ho jaa.e vo bas hai

marne ki tamanna hai na jine ki hawas hai

gulshan mein nasheman hai na sahra mein qafas hai

bhaTke hue rahi ke qadam leti hai manzil

is rah mein paigham-e-sukun bang-e-jaras hai

dekho to zara dawa-e-arbab-e-mohabbat

har rang mein pinhan koi unwan-e-hawas hai

gulzar-e-mohabbat hai ki bustan-e-haqiqat

bulbul hai sharar-bar to gul shoala-nafas hai

ashkon se nahin dida-e-ghamnak ko matlab

aankhon mein meri nargis-e-bimar ka ras hai

khoe hue rahi hain to bhaTke hue rahbar

is daur mein 'zamzam' jo na ho jae wo bas hai