marzi-e-yar pe har ek KHushi war chale

marzī-e-yār pe har ek ḳhushī vaar chale

jo kuchh apnā thā vo sab 'ishq meñ ham haar chale

kab ruke manzil-e-maqsūd se pahle ye qadam

uTh ke ik baar chale haiñ to lagātār chale

dekhtā rah gayā zāhid ye tamāsha kyā hai

ek girya ke ‘evaz ḳhuld ko mai-ḳhvār chale

chhā gayā abr liye aa ke bahāroñ ne qadam

zulf lahrā ke vo jab jānib-e-gulzār chale

mai kī tauba ko to muddat huī saaqī lekin

kuchh takalluf nahīñ gar sharbat-e-dīdār chale

barhaman dair gayā shaiḳh jī kā'be pahuñche

aur ham dil ko liye kūcha-e-dildār chale

chāhnā jurm hai gar tum ko to maiñ mujrim huuñ

sar mirā ḳham hai huzūr aap kī talvār chale

Thokareñ khā.īñ rah-e-‘ishq meñ 'yāsir' tum ne

sach to ye hai ki tum is raah meñ bekār chale

marzi-e-yar pe har ek KHushi war chale

jo kuchh apna tha wo sab 'ishq mein hum haar chale

kab ruke manzil-e-maqsud se pahle ye qadam

uTh ke ek bar chale hain to lagatar chale

dekhta rah gaya zahid ye tamasha kya hai

ek girya ke ‘ewaz KHuld ko mai-KHwar chale

chha gaya abr liye aa ke bahaaron ne qadam

zulf lahra ke wo jab jaanib-e-gulzar chale

mai ki tauba ko to muddat hui saqi lekin

kuchh takalluf nahin gar sharbat-e-didar chale

barhaman dair gaya shaiKH ji ka'be pahunche

aur hum dil ko liye kucha-e-dildar chale

chahna jurm hai gar tum ko to main mujrim hun

sar mera KHam hai huzur aap ki talwar chale

Thokaren khain rah-e-‘ishq mein 'yasir' tum ne

sach to ye hai ki tum is rah mein bekar chale