masafaten kab guman mein thin safar se aage
masāfateñ kab gumān meñ thiiñ safar se aage
nikal ga.e apnī dhun meñ us ke nagar se aage
shajar se ik umr kī rifāqat ke silsile haiñ
nigāh ab dekhtī hai barg o samar se aage
ye dil shab o roz us kī galiyoñ meñ ghūmtā hai
vo shahr jo bas rahā hai dasht-e-nazar se aage
ḳhajil ḳhayāloñ kī bhiiḌ hairat se tak rahī hai
guzar gayā rah-rav-e-tamannā kidhar se aage
tilism-e-aks-o-sadā se nikle to dil ne jaanā
ye harf kuchh kah rahe haiñ arz-e-hunar se aage
nisār un sā.atoñ pe sadiyoñ ke sahar 'ālī'
jiye haiñ jin ke jilo meñ shaam o sahar se aage
masafaten kab guman mein thin safar se aage
nikal gae apni dhun mein us ke nagar se aage
shajar se ek umr ki rifaqat ke silsile hain
nigah ab dekhti hai barg o samar se aage
ye dil shab o roz us ki galiyon mein ghumta hai
wo shahr jo bas raha hai dasht-e-nazar se aage
KHajil KHayalon ki bhiD hairat se tak rahi hai
guzar gaya rah-raw-e-tamanna kidhar se aage
tilism-e-aks-o-sada se nikle to dil ne jaana
ye harf kuchh kah rahe hain arz-e-hunar se aage
nisar un saaton pe sadiyon ke sahar 'ali'
jiye hain jin ke jilo mein sham o sahar se aage
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
