masaib zamane ke kam kijiye

masā.ib zamāne ke kam kījiye

zamāne ko rashk-e-iram kījiye

na be-kār baiTho kabhī dosto

ki do chaar tai ab qadam kījiye

jo karte ho ka.abe meñ rab ko talāsh

zamāne ko misl-e-haram kījiye

kisī par bhī Dhaao na zulm-o-sitam

har ik pe nigāh-e-karam kījiye

jo dekho kisī ko bhī rotā huā

to āñkhoñ ko apnī bhī nam kījiye

bahut saḳht dil kyoñ tumhāre hue

zarā dil kī saḳhtī ko kam kījiye

kisī ke bhī aage ḳhudā ke sivā

kabhī apne sar ko na ḳham kījiye

nahīñ lagtā duniyā meñ 'sāgar' jī dil

chalo chal ke sair-e-adam kījiye

masaib zamane ke kam kijiye

zamane ko rashk-e-iram kijiye

na be-kar baiTho kabhi dosto

ki do chaar tai ab qadam kijiye

jo karte ho kabe mein rab ko talash

zamane ko misl-e-haram kijiye

kisi par bhi Dhao na zulm-o-sitam

har ek pe nigah-e-karam kijiye

jo dekho kisi ko bhi rota hua

to aankhon ko apni bhi nam kijiye

bahut saKHt dil kyon tumhaare hue

zara dil ki saKHti ko kam kijiye

kisi ke bhi aage KHuda ke siwa

kabhi apne sar ko na KHam kijiye

nahin lagta duniya mein 'sagar' ji dil

chalo chal ke sair-e-adam kijiye