masarraton ki na saqi sharab de mujhko

masarratoñ kī na saaqī sharāb de mujh ko

haqīqatoñ kā musalsal 'azāb de mujh ko

savāl ye nahīñ luuTe haiñ qāfile kis ne

kahāñ luTe haiñ bas itnā javāb de mujh ko

añdhere haiñ ki taḳhayyul pe chhā.e jaate haiñ

Dubo ke ḳhum meñ koī āftāb de mujh ko

bahak sakūñgā na hargiz tirī nazar kī qasam

shumār jaam na kar be-hisāb de mujh ko

zamāna kahtā hai 'az.har' ko rind-e-āvāra

huuñ muntazir koī tū bhī ḳhitāb de mujh ko

masarraton ki na saqi sharab de mujh ko

haqiqaton ka musalsal 'azab de mujh ko

sawal ye nahin luTe hain qafile kis ne

kahan luTe hain bas itna jawab de mujh ko

andhere hain ki taKHayyul pe chhae jate hain

Dubo ke KHum mein koi aaftab de mujh ko

bahak sakunga na hargiz teri nazar ki qasam

shumar jam na kar be-hisab de mujh ko

zamana kahta hai 'azhar' ko rind-e-awara

hun muntazir koi tu bhi KHitab de mujh ko