mashwara kis ne diya tha ki masihai kar
mashvara kis ne diyā thā ki masīhā.ī kar
zaḳhm khāne haiñ to logoñ se shanāsā.ī kar
jeb ḳhālī hai to kyā dil se duā.eñ deñge
ham se durveshoñ kī nādān pazīrā.ī kar
phir nazar aa.egī āsān ye duniyā tujh ko
aañkh se dekh magar dil ko tamāshā.ī kar
ghar meñ mumkin hai magar dil meñ na dīvār uThā
faisla soch-samajh kar ye mere bhaa.ī kar
duudh kā duudh bhī aur paanī kā paanī hogā
rū-ba-rū baiTh ke bāteñ kabhī harjā.ī kar
kaun detā hai yahāñ dād-e-suḳhan ab 'fārūq'
kyuuñ jalātā hai lahū qāfiya-paimā.ī kar
mashwara kis ne diya tha ki masihai kar
zaKHm khane hain to logon se shanasai kar
jeb KHali hai to kya dil se duaen denge
hum se durweshon ki nadan pazirai kar
phir nazar aaegi aasan ye duniya tujh ko
aankh se dekh magar dil ko tamashai kar
ghar mein mumkin hai magar dil mein na diwar uTha
faisla soch-samajh kar ye mere bhai kar
dudh ka dudh bhi aur pani ka pani hoga
ru-ba-ru baiTh ke baaten kabhi harjai kar
kaun deta hai yahan dad-e-suKHan ab 'faruq'
kyun jalata hai lahu qafiya-paimai kar
- Book : Udas Lamhon Ke Mausam (Poetry) (Pg. 25)
- Author : Farooq Bakhshi
- Publication : Modern Publishing House (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
