masil-e-sail-e-rawan dasht-o-ju mein guzri hai

masīl-e-sail-e-ravāñ dasht-o-jū meñ guzrī hai

hayāt hijr ke tauq-e-gulū meñ guzrī hai

vahī to merī matā-e-hayāt hai jānāñ

jo ek saañs tirī justujū meñ guzrī hai

guloñ ko dasht kī vīrānagī nahīñ ma.alūm

ki un kī ziist faqat rang-o-bū meñ guzrī hai

kiyā thā dāman-e-dil chaak be-ruḳhī ne tirī

hayāt saarī hī kār-e-rafū meñ guzrī hai

tamām umr kī hasrat kā de ga.ī tohfa

vo ik ghaḌī jo tirī aarzū meñ guzrī hai

vo ek baat jo kahnī thī kah nahīñ paa.e

agarche vasl kī shab guftugū meñ guzrī hai

rahī hai girya-kunāñ chashm-e-nā-rasā daa.im

hayāt chehre kī saarī vuzū meñ guzrī hai

masil-e-sail-e-rawan dasht-o-ju mein guzri hai

hayat hijr ke tauq-e-gulu mein guzri hai

wahi to meri mata-e-hayat hai jaanan

jo ek sans teri justuju mein guzri hai

gulon ko dasht ki viranagi nahin malum

ki un ki zist faqat rang-o-bu mein guzri hai

kiya tha daman-e-dil chaak be-ruKHi ne teri

hayat sari hi kar-e-rafu mein guzri hai

tamam umr ki hasrat ka de gai tohfa

wo ek ghaDi jo teri aarzu mein guzri hai

wo ek baat jo kahni thi kah nahin pae

agarche wasl ki shab guftugu mein guzri hai

rahi hai girya-kunan chashm-e-na-rasa daim

hayat chehre ki sari wuzu mein guzri hai