masjid-o-mandir kalisa sab mein jaana chahiye

masjid-o-mandir kalīsā sab meñ jaanā chāhiye

dar kahīñ kā ho muqaddar āzmānā chāhiye

mujh ko rone do mujhe rone meñ miltā hai mazā

muskurāo tum ki tum ko muskurānā chāhiye

ḳhatm par merā safar hai Dagmagāte haiñ qadam

aage baḌh kar un ko merā dil baḌhānā chāhiye

zindagī bhar chal ke ham aa.e haiñ manzil ke qarīb

do-qadam ab chal ke manzil ko bhī aanā chāhiye

hosh aayā zindagī kā baar uThā lene ke ba.ad

bojh jitnā uTh sake utnā uThānā chāhiye

rakh diyā ik din maiñ jis ghar ko khañDar kar ke 'nazīr'

us ko banñe ke liye ab ik zamāna chāhiye

masjid-o-mandir kalisa sab mein jaana chahiye

dar kahin ka ho muqaddar aazmana chahiye

mujh ko rone do mujhe rone mein milta hai maza

muskurao tum ki tum ko muskurana chahiye

KHatm par mera safar hai Dagmagate hain qadam

aage baDh kar un ko mera dil baDhana chahiye

zindagi bhar chal ke hum aae hain manzil ke qarib

do-qadam ab chal ke manzil ko bhi aana chahiye

hosh aaya zindagi ka bar uTha lene ke baad

bojh jitna uTh sake utna uThana chahiye

rakh diya ek din main jis ghar ko khanDar kar ke 'nazir'

us ko banne ke liye ab ek zamana chahiye