mast-e-sharab-e-naz par shikwe ka kuchh asar nahin

mast-e-sharāb-e-nāz par shikve kā kuchh asar nahīñ

merī ḳhabar ho kyā unheñ apnī jinheñ ḳhabar nahīñ

gardish-e-rozgār se ḳhauf mujhe huā hī kab

sail-e-alam se bah sake pahlū meñ vo jigar nahīñ

god meñ hādsāt ke pal ke hī maiñ javāñ huā

vo nahīñ zindagī qubūl jis meñ koī ḳhatar nahīñ

manzil-e-ishq meñ mujhe aa.e to saḳht marhale

baḌhnā nahīñ hai sahl agar ruknā bhī sahl-tar nahīñ

maiñ huuñ yahāñ bhī be-qarār thā maiñ vahāñ bhī be-qarār

dil kī davā udhar na thī dil kī davā idhar nahīñ

ghir ke ghaTā uThī abhī chhaT bhī ga.ī abhī 'habīb'

merī shab-e-firāq kī dahr meñ kyā sahar nahīñ

mast-e-sharab-e-naz par shikwe ka kuchh asar nahin

meri KHabar ho kya unhen apni jinhen KHabar nahin

gardish-e-rozgar se KHauf mujhe hua hi kab

sail-e-alam se bah sake pahlu mein wo jigar nahin

god mein hadsat ke pal ke hi main jawan hua

wo nahin zindagi qubul jis mein koi KHatar nahin

manzil-e-ishq mein mujhe aae to saKHt marhale

baDhna nahin hai sahl agar rukna bhi sahl-tar nahin

main hun yahan bhi be-qarar tha main wahan bhi be-qarar

dil ki dawa udhar na thi dil ki dawa idhar nahin

ghir ke ghaTa uThi abhi chhaT bhi gai abhi 'habib'

meri shab-e-firaq ki dahr mein kya sahar nahin