masti mein bhi KHayal-e-hudud-e-adab raha

mastī meñ bhī ḳhayāl-e-hudūd-e-adab rahā

ashkoñ meñ haal arz kiyā basta-lab rahā

tere karam ne mujh ko atā kī vo be-ḳhudī

arz-e-sipās kā mujhe phir hosh kab rahā

tū ne jo kuchh diyā vo diyā lutf-e-ḳhās se

pāband-e-āstīñ mirā dast-e-talab rahā

us bazm meñ nigāh pe qaabū na rakh sakā

haañ mujh ko e'tirāf hai maiñ be-adab rahā

daur-e-amal meñ ham se to kuchh bhī na ho sakā

itnā huā ki shohra-e-bazm-e-adab rahā

jām-e-tahī milā tirī mahfil se kyā huā

paimāna dil ke ḳhuuñ se yahāñ lab-ba-lab rahā

'fitrat' rumūz-e-ishq na kah girya-kosh rah

sab kuchh kahā usī ne jo yaañ basta-lab rahā

masti mein bhi KHayal-e-hudud-e-adab raha

ashkon mein haal arz kiya basta-lab raha

tere karam ne mujh ko ata ki wo be-KHudi

arz-e-sipas ka mujhe phir hosh kab raha

tu ne jo kuchh diya wo diya lutf-e-KHas se

paband-e-astin mera dast-e-talab raha

us bazm mein nigah pe qabu na rakh saka

han mujh ko e'tiraf hai main be-adab raha

daur-e-amal mein hum se to kuchh bhi na ho saka

itna hua ki shohra-e-bazm-e-adab raha

jam-e-tahi mila teri mahfil se kya hua

paimana dil ke KHun se yahan lab-ba-lab raha

'fitrat' rumuz-e-ishq na kah girya-kosh rah

sab kuchh kaha usi ne jo yan basta-lab raha