mat KHuda DhunD sawalat ke aaine mein

mat ḳhudā DhūñD savālāt ke ā.īne meñ

is ko pahchān ināyāt ke ā.īne meñ

mā.il-e-haq bhī hai aasī bhī anā vaalā bhī

vo jo rahtā hai mirī zaat ke ā.īne meñ

kuchh raqam hai mirī qismat bhī tire hāthoñ meñ

sab nahīñ miltā mire haat ke ā.īne meñ

jañg jaarī hai merī nafs-e-amāra se hanūz

jab se dekhā tujhe barsāt ke ā.īne meñ

qalb jab tak na munavvar ho yaqīn-e-kul se

vasvase paale hai shub.hāt ke ā.īne meñ

rishte be-laus fazā meñ jo janam lete haiñ

vo nahīñ TūTte hālāt ke ā.īne meñ

qurb-e-shabbīr hai kyā re kī hukūmat kyā hai

hur ne sab dekh liyā raat ke ā.īne meñ

ġhair bhī sūñgh liyā karte haiñ aksar 'shārib'

ik mohabbat tirī har baat ke ā.īne meñ

mat KHuda DhunD sawalat ke aaine mein

is ko pahchan inayat ke aaine mein

mail-e-haq bhi hai aasi bhi ana wala bhi

wo jo rahta hai meri zat ke aaine mein

kuchh raqam hai meri qismat bhi tere hathon mein

sab nahin milta mere hat ke aaine mein

jang jari hai meri nafs-e-amara se hanuz

jab se dekha tujhe barsat ke aaine mein

qalb jab tak na munawwar ho yaqin-e-kul se

waswase pale hai shubhat ke aaine mein

rishte be-laus faza mein jo janam lete hain

wo nahin TuTte haalat ke aaine mein

qurb-e-shabbir hai kya re ki hukumat kya hai

hur ne sab dekh liya raat ke aaine mein

ghair bhi sungh liya karte hain aksar 'shaarib'

ek mohabbat teri har baat ke aaine mein