mat puchh ki ulfat mein jafa kaun karega

mat pūchh ki ulfat meñ jafā kaun karegā

ye kaam bhī apnoñ ke sivā kaun karegā

baḳhshā na gayā tujh ko agar soz-e-mohabbat

ā.īna-e-dil tujh pe jilā kaun karegā

mahkā na agar gul to phir ai bulbul-e-betāb

gulshan meñ tujhe naġhma-sarā kaun karegā

tā'mīr to ho sakte haiñ kuchh dār-o-rasan aur

hastī ko mohabbat meñ fanā kaun karegā

sar le ke hathelī pe na ghūmeñge kabhī ham

par shart hai takmīl-e-vafā kaun karegā

us moḌ pe ham sab haiñ jahāñ ḳhud kā nahīñ hosh

khoī huī manzil kā pata kaun karegā

ham hī na hue 'shauq' to ḳhuuñ de ke jigar kā

phir tez tirā rang-e-hinā kaun karegā

mat puchh ki ulfat mein jafa kaun karega

ye kaam bhi apnon ke siwa kaun karega

baKHsha na gaya tujh ko agar soz-e-mohabbat

aaina-e-dil tujh pe jila kaun karega

mahka na agar gul to phir ai bulbul-e-betab

gulshan mein tujhe naghma-sara kaun karega

ta'mir to ho sakte hain kuchh dar-o-rasan aur

hasti ko mohabbat mein fana kaun karega

sar le ke hatheli pe na ghumenge kabhi hum

par shart hai takmil-e-wafa kaun karega

us moD pe hum sab hain jahan KHud ka nahin hosh

khoi hui manzil ka pata kaun karega

hum hi na hue 'shauq' to KHun de ke jigar ka

phir tez tera rang-e-hina kaun karega