mataa-e-hijr le kar in andheron se nikal jao

matā.a-e-hijr le kar in añdheroñ se nikal jaao

mire dāman ke dāġho raushnī meñ ab to Dhal jaao

hamārī be-hisī sargoshiyāñ kartī hai har ik pal

ki jo hālāt bhī darpesh hoñ un se bahal jaao

agar jiine kī hasrat hai zamāna-sāz ho jaao

taḌapnā umr-bhar kā hai zarā sā tum sañbhal jaao

tirī qurbat mujhe begāna kar detī hai ḳhud mujh se

tamanna hai ki tum bhī ik na.e sāñche meñ Dhal jaao

mire tabdīl hone se kahīñ kuchh bhī na badlegā

agar kuchh dard rakhte ho zamāne ko badal jaao

'nasīm' un tak pahuñchnā hai jo merā dard rakhte the

mirī sarsabz socho tum ta.āqub meñ nikal jaao

mataa-e-hijr le kar in andheron se nikal jao

mere daman ke dagho raushni mein ab to Dhal jao

hamari be-hisi sargoshiyan karti hai har ek pal

ki jo haalat bhi darpesh hon un se bahal jao

agar jine ki hasrat hai zamana-saz ho jao

taDapna umr-bhar ka hai zara sa tum sanbhal jao

teri qurbat mujhe begana kar deti hai KHud mujh se

tamanna hai ki tum bhi ek nae sanche mein Dhal jao

mere tabdil hone se kahin kuchh bhi na badlega

agar kuchh dard rakhte ho zamane ko badal jao

'nasim' un tak pahunchna hai jo mera dard rakhte the

meri sarsabz socho tum taaqub mein nikal jao