mausam aisa ho jata hai manzar aisa ho jata hai

mausam aisā ho jaatā hai manzar aisā ho jaatā hai

dariyā bahtā dariyā logo patthar aisā ho jaatā hai

log gharoñ meñ rahte rahte be-ghar bhī to ho jaate haiñ

aksar yuuñ bhī ho jaatā hai aksar aisā ho jaatā hai

hū-yā-hū ke taar bajeñ to duniyā chham-chham naach uThtī hai

is lamha to har insān qalandar aisā ho jaatā hai

ik mausam jo aañkh ke andar raushaniyāñ sī bhar detā hai

āḳhir aañkh bujhā detā hai kāfir aisā ho jaatā hai

dard kā mausam jab khultā hai bārish aisī ho jaatī hai

dil kā ḳhālī sahrā sabz samundar aisā ho jaatā hai

nigah hasīn agar ho 'shaukat' hur ke jauhar khul jaate haiñ

jhuuT kā chehra ibn-e-sa.ad ke lashkar aisā ho jaatā hai

mausam aisa ho jata hai manzar aisa ho jata hai

dariya bahta dariya logo patthar aisa ho jata hai

log gharon mein rahte rahte be-ghar bhi to ho jate hain

aksar yun bhi ho jata hai aksar aisa ho jata hai

hu-ya-hu ke tar bajen to duniya chham-chham nach uThti hai

is lamha to har insan qalandar aisa ho jata hai

ek mausam jo aankh ke andar raushaniyan si bhar deta hai

aaKHir aankh bujha deta hai kafir aisa ho jata hai

dard ka mausam jab khulta hai barish aisi ho jati hai

dil ka KHali sahra sabz samundar aisa ho jata hai

nigah hasin agar ho 'shaukat' hur ke jauhar khul jate hain

jhuT ka chehra ibn-e-sad ke lashkar aisa ho jata hai