mausam-e-gul bhi mere ghar aaya

mausam-e-gul bhī mire ghar aayā

jaane vaalā na palaT kar aayā

aaj yuuñ dil ne bahā.e aañsū

aañkh se ashk na bāhar aayā

luT ga.ī zabt kī bastī āḳhir

terī yādoñ kā jo lashkar aayā

aañkh ab terī judā.ī pe khulī

hosh meñ tujh ko gañvā kar aayā

ek hī naqsh meñ the naqsh tamām

sāmne phir na vo manzar aayā

dhuup meñ us kī mohabbat kā ḳhayāl

abr jaise mire sar par aayā

kaale dariyā to kiye kitne ubuur

raah meñ ab ke samundar aayā

kaun kartā mirī rāheñ dushvār

aaḌe aayā to muqaddar aayā

us ne pheñkā thā agar phuul 'rashīd'

phir ye kis samt se patthar aayā

mausam-e-gul bhi mere ghar aaya

jaane wala na palaT kar aaya

aaj yun dil ne bahae aansu

aankh se ashk na bahar aaya

luT gai zabt ki basti aaKHir

teri yaadon ka jo lashkar aaya

aankh ab teri judai pe khuli

hosh mein tujh ko ganwa kar aaya

ek hi naqsh mein the naqsh tamam

samne phir na wo manzar aaya

dhup mein us ki mohabbat ka KHayal

abr jaise mere sar par aaya

kale dariya to kiye kitne ubur

rah mein ab ke samundar aaya

kaun karta meri rahen dushwar

aaDe aaya to muqaddar aaya

us ne phenka tha agar phul 'rashid'

phir ye kis samt se patthar aaya