mausam-e-gul hai na daur-e-jam-o-sahba rah gaya

mausam-e-gul hai na daur-e-jām-o-sahba rah gayā

le ga.ī sab ko javānī maiñ akelā rah gayā

jaane kyā ho kar nigāhoñ se ishāra rah gayā

haa.e ḳhūn-e-ārzū jab hal ke pardā rah gayā

ishq kī rusvā.iyāñ vo husn kī bad-nāmiyāñ

ham bhulā baiThe magar duniyā meñ charchā rah gayā

ik sarāpā nāz-e-tanhā.ī mazār-e-āshiqāñ

haa.e vo aalam ki jab ḳhud husn tanhā rah gayā

ro.ab-e-husn ādāb-e-ishq un kī hayā kā ehtirām

uTh ga.ī chilman to ab pardā hī pardā rah gayā

kuchh baḌhānā thā mazāq-e-bandagī kā hausla

pher lī tū ne nazar sharmā ke sajda rah gayā

in ke jalvoñ ne hazāroñ ko navāzā ai 'shafīq'

aah apnī be zabāñ nazroñ ko shikvā rah gayā

mausam-e-gul hai na daur-e-jam-o-sahba rah gaya

le gai sab ko jawani main akela rah gaya

jaane kya ho kar nigahon se ishaara rah gaya

hae KHun-e-arzu jab hal ke parda rah gaya

ishq ki ruswaiyan wo husn ki bad-namiyan

hum bhula baiThe magar duniya mein charcha rah gaya

ek sarapa naz-e-tanhai mazar-e-ashiqan

hae wo aalam ki jab KHud husn tanha rah gaya

roab-e-husn aadab-e-ishq un ki haya ka ehtiram

uTh gai chilman to ab parda hi parda rah gaya

kuchh baDhana tha mazaq-e-bandagi ka hausla

pher li tu ne nazar sharma ke sajda rah gaya

in ke jalwon ne hazaron ko nawaza ai 'shafiq'

aah apni be zaban nazron ko shikwa rah gaya