mausam-e-gul mein hain diwanon ke bazar kai

mausam-e-gul meñ haiñ dīvānoñ ke bāzār ka.ī

shor-e-bulbul ka.ī zanjīr kī jhankār ka.ī

sab ga.ī bū-e-muravvat kī kal is baaġh se haif

baare dāman-kash-e-dil rah ga.e haiñ ḳhaar ka.ī

kab lag ahbāb kā ġham mujh ko dikhāvegā falak

ḳhaak ho ga.e bahut aur haiñ so chalan-hār ka.ī

ai siyah-chashmo nahīñ kuchh mujhe gulzār se kaam

dāġh-e-lāla hī se rakhtā huuñ sarokār ka.ī

saḳht yāroñ kī kudūrat se huā huuñ be-dil

khā ga.e ā.īna-e-dil mirā zañgār ka.ī

mausam-e-gul meñ mire chāk-e-garebāñ ko dekh

phaaḌ ga.e pairahan-e-sabr rafū-kār ka.ī

din paḌe shola-ruḳhoñ bin mujhe juuñ dūd-e-charāġh

merī dil-sozī se jalte haiñ shab-e-tār ka.ī

jaldī avval kī hai par aabla paañv meñ mire

aur vo gul-rū kī rahe raah meñ ab ḳhaar ka.ī

sard-mehrī tirī ḳhuuñ garm hai az-bas mujh saat

haiñ rag-e-la.al-e-jigar nāla-e-ḳhūñ-bār ka.ī

mausam-e-gul mein hain diwanon ke bazar kai

shor-e-bulbul kai zanjir ki jhankar kai

sab gai bu-e-murawwat ki kal is bagh se haif

bare daman-kash-e-dil rah gae hain KHar kai

kab lag ahbab ka gham mujh ko dikhawega falak

KHak ho gae bahut aur hain so chalan-haar kai

ai siyah-chashmo nahin kuchh mujhe gulzar se kaam

dagh-e-lala hi se rakhta hun sarokar kai

saKHt yaron ki kudurat se hua hun be-dil

kha gae aaina-e-dil mera zangar kai

mausam-e-gul mein mere chaak-e-gareban ko dekh

phaD gae pairahan-e-sabr rafu-kar kai

din paDe shola-ruKHon bin mujhe jun dud-e-charagh

meri dil-sozi se jalte hain shab-e-tar kai

jaldi awwal ki hai par aabla panw mein mere

aur wo gul-ru ki rahe rah mein ab KHar kai

sard-mehri teri KHun garm hai az-bas mujh sat

hain rag-e-lal-e-jigar nala-e-KHun-bar kai