mausamon ki tarah badla main ki tu

mausamoñ kī tarah badlā maiñ ki tū

kaun kis ko bhuul baiThā maiñ ki tū

sāmne dariyā magar pābandiyāñ

ek ik qatre ko tarsā maiñ ki tū

pāka.i-e-dāmāñ ke afsāne na kah

kaun hai har samt rusvā maiñ ki tū

justujū kis ko na.ī duniyā kī thī

dasht meñ sho.aloñ ke bhaTkā maiñ ki tū

zindagī ke saḳht-o-sañgīñ moḌ par

kaun thā kis kā sahārā maiñ ki tū

jis meñ donoñ kī bhalā.ī thī nihāñ

aise har nukte ko samjhā maiñ ki tū

jāgtī āñkhoñ se 'bismil' āj-kal

dekhtā hai kaun sapnā maiñ ki tū

mausamon ki tarah badla main ki tu

kaun kis ko bhul baiTha main ki tu

samne dariya magar pabandiyan

ek ek qatre ko tarsa main ki tu

pakai-e-daman ke afsane na kah

kaun hai har samt ruswa main ki tu

justuju kis ko nai duniya ki thi

dasht mein shoalon ke bhaTka main ki tu

zindagi ke saKHt-o-sangin moD par

kaun tha kis ka sahaara main ki tu

jis mein donon ki bhalai thi nihan

aise har nukte ko samjha main ki tu

jagti aankhon se 'bismil' aaj-kal

dekhta hai kaun sapna main ki tu