maut achchhi buri hai ruswai

maut achchhī burī hai rusvā.ī

baat mushkil se ye samajh aa.ī

dard-o-ġham ab bure nahīñ lagte

muddatoñ se haiñ ham shanāsā.ī

is jahāñ kī yahī haqīqat hai

aaj dushman hai bhaa.ī kā bhaa.ī

jab mulāqāt ḳhud se kī ḳhud hī

bhiiḌ se hai bhalī ye tanhā.ī

baat achchhe dinoñ kī thī lekin

vo na aa.e na maut hī aa.ī

vaqt aisā bhī ziist meñ aatā

jab na dikhtī hai apnī parchhā.ī

maut se Dar 'dharam' zarā na rahā

zindagī us jagah pe le aa.ī

maut achchhi buri hai ruswai

baat mushkil se ye samajh aai

dard-o-gham ab bure nahin lagte

muddaton se hain hum shanasai

is jahan ki yahi haqiqat hai

aaj dushman hai bhai ka bhai

jab mulaqat KHud se ki KHud hi

bhiD se hai bhali ye tanhai

baat achchhe dinon ki thi lekin

wo na aae na maut hi aai

waqt aisa bhi zist mein aata

jab na dikhti hai apni parchhai

maut se Dar 'dharam' zara na raha

zindagi us jagah pe le aai