maut hai tere marizon ko shifa ho jaana

maut hai tere marīzoñ ko shifā ho jaanā

qahr hai qaid-e-masā.ib se rihā ho jaanā

haa.e mushtāq-e-shahādat se ḳhafā ho jaanā

teġh kā qismat-e-arbāb-e-vafā ho jaanā

ahl-e-duniyā mirī qismat falak-e-nā-hanjār

sab to rūThe haiñ kahīñ tum na ḳhafā ho jaanā

sab jafāoñ kī talāfī hai sitam-kash ke liye

tum se va.ade koī bhūle se vafā ho jaanā

apnī hālat kī ḳhabar kuchh nahīñ achchhā hai yahī

bā.is-e-marg hai ehsās-e-baqā ho jaanā

bahr-e-taskīn dil-e-zār yahī kaafī hai

shikva-e-jaur pe iqrār-e-vafā ho jaanā

ātish-e-rashk se ye shauq jalātā hai mujhe

us sitamgār kā pāband-e-jafā ho jaanā

jānñā apnī haqīqat kā bahut mushkil hai

sirr-e-maktūm hai bande kā ḳhudā ho jaanā

ab lab-e-yār pe purshish hai tamanna kī 'shamīm'

kaam aaya mirā rāzī-ba-razā ho jaanā

maut hai tere marizon ko shifa ho jaana

qahr hai qaid-e-masaib se riha ho jaana

hae mushtaq-e-shahadat se KHafa ho jaana

tegh ka qismat-e-arbab-e-wafa ho jaana

ahl-e-duniya meri qismat falak-e-na-hanjar

sab to ruThe hain kahin tum na KHafa ho jaana

sab jafaon ki talafi hai sitam-kash ke liye

tum se wade koi bhule se wafa ho jaana

apni haalat ki KHabar kuchh nahin achchha hai yahi

bais-e-marg hai ehsas-e-baqa ho jaana

bahr-e-taskin dil-e-zar yahi kafi hai

shikwa-e-jaur pe iqrar-e-wafa ho jaana

aatish-e-rashk se ye shauq jalata hai mujhe

us sitamgar ka paband-e-jafa ho jaana

jaanna apni haqiqat ka bahut mushkil hai

sirr-e-maktum hai bande ka KHuda ho jaana

ab lab-e-yar pe purshish hai tamanna ki 'shamim'

kaam aaya mera raazi-ba-raza ho jaana