maza aata nahin ai dil hamein ab muskurane mein

mazā aatā nahīñ ai dil hameñ ab muskurāne meñ

burā jo kuchh huā achchhā hai us ko bhuul jaane meñ

koī to ho zamāne meñ ġhamoñ ko bāñTne vaalā

nahīñ achchhā har ik ko hāl-e-dil apnā sunāne meñ

banī hai dahr meñ a.amāl se jab zindagī apnī

guzāro zindagī duniyā meñ ab tum bhī banāne meñ

zarā mehnat kareñ to māl-o-zar mil jā.eñge lekin

sukūn-o-chain milnā hai bahut mushkil zamāne meñ

kisī ke sāmne maiñ haath phailā.ūñ bhalā kyūñkar

kamī hai kyā kisī bhī chiiz kī rab ke ḳhazāne meñ

jahāñ meñ har-qadam par imtihān-e-sabr-o-īmāñ hai

magar sīna-sipar ham bhī haiñ īmāñ ko bachāne meñ

falāh-e-ādmiyyat hai yaqīnan muttahid rahnā

baḌā nuqsān hai dekho uḳhuvvat bhuul jaane meñ

hamāre jān-o-īmāñ haiñ amānat rab ta'ālā kī

baḌī be-ābrūī hai inheñ yūñhī luTāne meñ

sukūñ se baiTh kar yaaro karo tum chain kī bāteñ

sañbhaltā 'faiz' kab ye dil hai aise aane jaane meñ

maza aata nahin ai dil hamein ab muskurane mein

bura jo kuchh hua achchha hai us ko bhul jaane mein

koi to ho zamane mein ghamon ko banTne wala

nahin achchha har ek ko haal-e-dil apna sunane mein

bani hai dahr mein aamal se jab zindagi apni

guzaro zindagi duniya mein ab tum bhi banane mein

zara mehnat karen to mal-o-zar mil jaenge lekin

sukun-o-chain milna hai bahut mushkil zamane mein

kisi ke samne main hath phailaun bhala kyunkar

kami hai kya kisi bhi chiz ki rab ke KHazane mein

jahan mein har-qadam par imtihan-e-sabr-o-iman hai

magar sina-sipar hum bhi hain iman ko bachane mein

falah-e-admiyyat hai yaqinan muttahid rahna

baDa nuqsan hai dekho uKHuwwat bhul jaane mein

hamare jaan-o-iman hain amanat rab ta'ala ki

baDi be-abrui hai inhen yunhi luTane mein

sukun se baiTh kar yaro karo tum chain ki baaten

sanbhalta 'faiz' kab ye dil hai aise aane jaane mein