mazaq-e-gham uDana ab mujhe achchha nahin lagta
mazaq-e-gham uDana ab mujhe achchha nahin lagta
Mohammad Ali Sahil
MORE BYMohammad Ali Sahil
mazāq-e-ġham uḌānā ab mujhe achchhā nahīñ lagtā
kisī kā muskurānā ab mujhe achchhā nahīñ lagtā
kabhī nīñdeñ churānā jin kī mujh ko achchhā lagtā thā
nazar un kā churānā ab mujhe achchhā nahīñ lagtā
jinheñ mujh par yaqīñ hai merī chāhat par bharosa hai
bharam un kā miTānā ab mujhe achchhā nahīñ lagtā
nasheman mere dil kā jab se tinkā tinkā bikhrā hai
koī bhī āshiyāna ab mujhe achchhā nahīñ lagtā
mohabbat karne vāloñ ne jo chhoḌe haiñ zamāne meñ
nishāñ un ke miTānā ab mujhe achchhā nahīñ lagtā
tirī duniyā se shāyad bhar chukā hai merā dil 'sāhil'
yahāñ kā āb-o-dāna ab mujhe achchhā nahīñ lagtā
mazaq-e-gham uDana ab mujhe achchha nahin lagta
kisi ka muskurana ab mujhe achchha nahin lagta
kabhi ninden churana jin ki mujh ko achchha lagta tha
nazar un ka churana ab mujhe achchha nahin lagta
jinhen mujh par yaqin hai meri chahat par bharosa hai
bharam un ka miTana ab mujhe achchha nahin lagta
nasheman mere dil ka jab se tinka tinka bikhra hai
koi bhi aashiyana ab mujhe achchha nahin lagta
mohabbat karne walon ne jo chhoDe hain zamane mein
nishan un ke miTana ab mujhe achchha nahin lagta
teri duniya se shayad bhar chuka hai mera dil 'sahil'
yahan ka aab-o-dana ab mujhe achchha nahin lagta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
