mehr-o-mah bhi larzan hain faza ki banhon mein
mehr-o-māh bhī larzāñ haiñ fazā kī bāñhoñ meñ
ahl-e-dil ḳhirāmāñ haiñ kaisī shāh-rāhoñ meñ
be-kasī barastī hai zindagī ke chehre se
kā.enāt kī sāñseñ Dhal rahī haiñ aahoñ meñ
zabt-e-ġham kī tākīdeñ thiiñ so ḳhair thiiñ lekin
kuchh talāfiyāñ bhī thiiñ raat un nigāhoñ meñ
ham tujhe bhulā kar bhī kyā sukūn pā.eñge
zindagī to hai tere dard kī panāhoñ meñ
dasht-e-dil meñ ab terī yaad yuuñ bhaTaktī hai
jaise koī dīvāna shab ko shāh-rāhoñ meñ
muddateñ huiiñ us ne aañkh bhar ke dekhā thā
phir rahī haiñ vo āñkheñ aaj tak nigāhoñ meñ
mehr-o-mah bhi larzan hain faza ki banhon mein
ahl-e-dil KHiraman hain kaisi shah-rahon mein
be-kasi barasti hai zindagi ke chehre se
kaenat ki sansen Dhal rahi hain aahon mein
zabt-e-gham ki takiden thin so KHair thin lekin
kuchh talafiyan bhi thin raat un nigahon mein
hum tujhe bhula kar bhi kya sukun paenge
zindagi to hai tere dard ki panahon mein
dasht-e-dil mein ab teri yaad yun bhaTakti hai
jaise koi diwana shab ko shah-rahon mein
muddaten huin us ne aankh bhar ke dekha tha
phir rahi hain wo aankhen aaj tak nigahon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
