mehrab na qindil na asrar na tamsil
mehrāb na qindīl na asrār na tamsīl
kah ai varaq-e-tīra kahāñ hai tirī tafsīl
ik dhund meñ gum hotī huī saarī kahānī
ik lafz ke bātin se ulajhtī huī tāvīl
maiñ āḳhirī partav huuñ kisī ġham ke ufuq par
ik zard tamāshe meñ huā jaatā huuñ tahlīl
vāmānda-e-vaqt aañkh ko manzar na dikhā aur
zimme hai hamāre abhī ik ḳhvāb kī tashkīl
āsāñ hue sab marhale ik mauja-e-pā se
barsoñ kī fazā ek sadā se huī tabdīl
mehrab na qindil na asrar na tamsil
kah ai waraq-e-tira kahan hai teri tafsil
ek dhund mein gum hoti hui sari kahani
ek lafz ke baatin se ulajhti hui tawil
main aaKHiri partaw hun kisi gham ke ufuq par
ek zard tamashe mein hua jata hun tahlil
wamanda-e-waqt aankh ko manzar na dikha aur
zimme hai hamare abhi ek KHwab ki tashkil
aasan hue sab marhale ek mauja-e-pa se
barson ki faza ek sada se hui tabdil
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
