melon mein ghumte rahe tanhai bech di

meloñ meñ ghūmte rahe tanhā.ī bech dī

phir yuuñ huā ki chashm-e-tamāshā.ī bech dī

saudā kabhī ḳhasāre kā us ne kiyā nahīñ

shohrat ḳharīd lī kabhī rusvā.ī beach dī

be-nām se ta.alluq-e-ḳhātir ke vāste

ik ajnabī ke haath shanāsā.ī bech dī

achchhā kiyā ki garmī-e-bāzār dekh kar

ūñche lage jo daam to goyā.ī bech dī

ab bandish-e-nigāh kī qīmat bahut baḌhī

logoñ ne jā ke apnī hī bīnā.ī bech dī

da.ave tumhāre ishq ke bātil hue sabhī

paañv ke zaḳhm dasht kī pahnā.ī bech dī

ab jāñ-ba-lab haiñ shahr ke bīmār be-shumār

zar kī havas meñ sab ne masīhā.ī bech dī

melon mein ghumte rahe tanhai bech di

phir yun hua ki chashm-e-tamashai bech di

sauda kabhi KHasare ka us ne kiya nahin

shohrat KHarid li kabhi ruswai beach di

be-nam se talluq-e-KHatir ke waste

ek ajnabi ke hath shanasai bech di

achchha kiya ki garmi-e-bazar dekh kar

unche lage jo dam to goyai bech di

ab bandish-e-nigah ki qimat bahut baDhi

logon ne ja ke apni hi binai bech di

dawe tumhaare ishq ke baatil hue sabhi

panw ke zaKHm dasht ki pahnai bech di

ab jaan-ba-lab hain shahr ke bimar be-shumar

zar ki hawas mein sab ne masihai bech di