mera bachpan hi mujhe yaad dilane aae

merā bachpan hī mujhe yaad dilāne aa.e

phir hathelī pe koī naam likhāne aa.e

aa ke chupke se koī chīḳh paḌe kānoñ meñ

gudgudāne na sahī aa.e Darāne aa.e

luuT le aa ke mirī sub.h kī mīThī nīñdeñ

maiñ kahāñ kahtā huuñ vo mujh ko jagāne aa.e

mere āñgan meñ na jugnū haiñ na titlī na gulāb

koī aa.e bhī to ab kis ke bahāne aa.e

der tak Thahrī rahī palkoñ pe yādoñ kī barāt

niiñd aa.ī to ka.ī ḳhvāb suhāne aa.e

mera bachpan hi mujhe yaad dilane aae

phir hatheli pe koi nam likhane aae

aa ke chupke se koi chiKH paDe kanon mein

gudgudane na sahi aae Darane aae

luT le aa ke meri subh ki miThi ninden

main kahan kahta hun wo mujh ko jagane aae

mere aangan mein na jugnu hain na titli na gulab

koi aae bhi to ab kis ke bahane aae

der tak Thahri rahi palkon pe yaadon ki baraat

nind aai to kai KHwab suhane aae