mera dil tujhse dukha hai tujhe malum nahin
mera dil tujhse dukha hai tujhe malum nahin
Mirza Zafarullah Zafar
MORE BYMirza Zafarullah Zafar
merā dil tujh se dukhā hai tujhe mā'lūm nahīñ
kis qadar tujh se gila hai tujhe mā'lūm nahīñ
tū nayā zaḳhm lagāne ko chalā hai lekin
zaḳhm pahlā bhī harā hai tujhe mā'lūm nahīñ
maiñ ne ik mauj-e-tabassum kī tamanna meñ ai dost
kis qadar dard sahā hai tujhe mā'lūm nahīñ
mere jis zaḳhm ko tū dekh ke chauñkā hai abhī
terā apnā hī diyā hai tujhe mā'lūm nahīñ
mere luTne kā sabab sab ko hai mā'lūm magar
maiñ ne logoñ se sunā hai tujhe mā'lūm nahīñ
terī āñkhoñ ne to dekhā mire chehre kā sukūt
dil meñ ik hashr bapā hai tujhe mā'lūm nahīñ
mera dil tujh se dukha hai tujhe ma'lum nahin
kis qadar tujh se gila hai tujhe ma'lum nahin
tu naya zaKHm lagane ko chala hai lekin
zaKHm pahla bhi hara hai tujhe ma'lum nahin
main ne ek mauj-e-tabassum ki tamanna mein ai dost
kis qadar dard saha hai tujhe ma'lum nahin
mere jis zaKHm ko tu dekh ke chaunka hai abhi
tera apna hi diya hai tujhe ma'lum nahin
mere luTne ka sabab sab ko hai ma'lum magar
main ne logon se suna hai tujhe ma'lum nahin
teri aankhon ne to dekha mere chehre ka sukut
dil mein ek hashr bapa hai tujhe ma'lum nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
