mera hi dil hai bisat-e-hasrat wagarna duniya mein kya nahin hai

merā hī dil hai bisāt-e-hasrat vagarna duniyā meñ kyā nahīñ hai

bas aisā mahsūs ho rahā hai ki jaise merā ḳhudā nahīñ hai

karāmat-e-zauq-o-sehr-e-vijdāñ shaguftan-e-anjum-o-gul-o-mai

hai mo.ajiza vus.at-e-nazar kā koī adā ḳhushnumā nahīñ hai

ḳhizāñ dam-e-vāpsīñ nahīñ hai bahār kā ai gul-e-tamanna

hayāt ik jazb-e-jāvedāñ hai jahān mātam-sarā nahīñ hai

husūl-e-maqsad girāñ nahīñ hai ḳhulūs-e-niyyat agar ho shāmil

duā nahīñ bāryāb terī ki tū sharīk-e-duā nahīñ hai

mirā aqīda bhī kaifiyat par hai zā.irān-e-sharāb-ḳhāna

rahe na īmān dost kī aañkh par magar ye ravā nahīñ hai

isī jahāñ meñ zabāñ-zad-e-ām haiñ mohabbat ke sau fasāne

yahīñ mire dost bhī haiñ 'shaukat' jinheñ ḳhayāl-e-vafā nahīñ hai

mera hi dil hai bisat-e-hasrat wagarna duniya mein kya nahin hai

bas aisa mahsus ho raha hai ki jaise mera KHuda nahin hai

karamat-e-zauq-o-sehr-e-wijdan shaguftan-e-anjum-o-gul-o-mai

hai moajiza wusat-e-nazar ka koi ada KHushnuma nahin hai

KHizan dam-e-wapsin nahin hai bahaar ka ai gul-e-tamanna

hayat ek jazb-e-jawedan hai jahan matam-sara nahin hai

husul-e-maqsad giran nahin hai KHulus-e-niyyat agar ho shamil

dua nahin baryab teri ki tu sharik-e-dua nahin hai

mera aqida bhi kaifiyat par hai zairan-e-sharab-KHana

rahe na iman dost ki aankh par magar ye rawa nahin hai

isi jahan mein zaban-zad-e-am hain mohabbat ke sau fasane

yahin mere dost bhi hain 'shaukat' jinhen KHayal-e-wafa nahin hai