mera maslak hai mohabbat dosti shewa mera

merā maslak hai mohabbat dostī sheva mirā

merī manzil bhī yahī hai aur yahī rasta mirā

kyuuñ kisī se kuchh bayāñ kartā bhī maiñ rūdād-e-ġham

hāl-e-dil kā aa.ina bhī merā hai chehrā mirā

apnī vaz'-dārī ne hone diyā rusvā nahīñ

go rahā mahrūmiyoñ se 'umr-bhar rishta mirā

ābla-pā.ī se kab sahrā-navardī ruk sakī

ik rafīq-e-rāh kī sūrat hai zaḳhm-e-pā mirā

dostoñ ko ho mubārak bhī fazā-e-gulsitāñ

raah kab se dekhtā hai dāman-e-sahrā mirā

vaz'-dārī dostoñ se ho sakī itnī nahīñ

dushmanoñ meñ rāt-din to hotā hai charchā mirā

aap hī ne to mohabbat se kahā thā ek din

āshiq-e-jāñ-bāz hai 'ḳhushtar' faqat tanhā mirā

mera maslak hai mohabbat dosti shewa mera

meri manzil bhi yahi hai aur yahi rasta mera

kyun kisi se kuchh bayan karta bhi main rudad-e-gham

haal-e-dil ka aaina bhi mera hai chehra mera

apni waz'-dari ne hone diya ruswa nahin

go raha mahrumiyon se 'umr-bhar rishta mera

aabla-pai se kab sahra-nawardi ruk saki

ek rafiq-e-rah ki surat hai zaKHm-e-pa mera

doston ko ho mubarak bhi faza-e-gulsitan

rah kab se dekhta hai daman-e-sahra mera

waz'-dari doston se ho saki itni nahin

dushmanon mein raat-din to hota hai charcha mera

aap hi ne to mohabbat se kaha tha ek din

aashiq-e-jaan-baz hai 'KHushtar' faqat tanha mera