mera us se jis ghaDi bhi samna ho jaega

merā us se jis ghaḌī bhī sāmnā ho jā.egā

ḳhatm apne aap zāhid fāsla ho jā.egā

le ga.ī thī mere bachchoñ ko vahāñ fikr-e-ma.āsh

kyā ḳhabar thī shahr saarā karbalā ho jā.egā

nāz-bardārī abhī se husn kī achchhī nahīñ

varna ik din ḳhud kī nazroñ meñ ḳhudā ho jā.egā

kitne lambe paañv haiñ āḳhir suhānī dhuup ke

shaam hote hī chalo ye faisla ho jā.egā

justujū meñ tum kahāñ sūraj kī yaaro aa ga.e

vo agar mil bhī gayā phir lāpata ho jā.egā

dosto tanhā.ī ke sahrā se mujh ko le chalo

varna ik din dekhnā 'zāhid' fanā ho jā.egā

mera us se jis ghaDi bhi samna ho jaega

KHatm apne aap zahid fasla ho jaega

le gai thi mere bachchon ko wahan fikr-e-maash

kya KHabar thi shahr sara karbala ho jaega

naz-bardari abhi se husn ki achchhi nahin

warna ek din KHud ki nazron mein KHuda ho jaega

kitne lambe panw hain aaKHir suhani dhup ke

sham hote hi chalo ye faisla ho jaega

justuju mein tum kahan suraj ki yaro aa gae

wo agar mil bhi gaya phir lapata ho jaega

dosto tanhai ke sahra se mujh ko le chalo

warna ek din dekhna 'zahid' fana ho jaega