mere aaghaz ki tauqir ko anjam dikha

mere āġhāz kī tauqīr ko anjām dikhā

apnā jauhar tū zarā gardish-e-ayyām dikhā

chāñd sūraj kī shu'ā'oñ se adā.eñ le kar

jazba-e-shauq zamāne ko koī kaam dikhā

kaaT lī 'umr añdheroñ meñ agarche mālik

ab to ḳhushiyoñ ke ujāloñ meñ sahar shaam dikhā

o mirī aañkh kī putlī meñ samāne vaale

mo'jiza ḳhvāb kā ek roz sar-e-shām dikhā

kuchh zabānī bhī kahā hai ye batā de qāsid

kyā raqam hai mire mahbūb kā paiġhām dikhā

jhuum kar chuum rahe haiñ jise paiham mai-ḳhvār

kaisā ḳhush-rang hai saaqī vo tirā jaam dikhā

mere aaghaz ki tauqir ko anjam dikha

apna jauhar tu zara gardish-e-ayyam dikha

chand suraj ki shu'a'on se adaen le kar

jazba-e-shauq zamane ko koi kaam dikha

kaT li 'umr andheron mein agarche malik

ab to KHushiyon ke ujalon mein sahar sham dikha

o meri aankh ki putli mein samane wale

mo'jiza KHwab ka ek roz sar-e-sham dikha

kuchh zabani bhi kaha hai ye bata de qasid

kya raqam hai mere mahbub ka paigham dikha

jhum kar chum rahe hain jise paiham mai-KHwar

kaisa KHush-rang hai saqi wo tera jam dikha