mere ahwal ka afsana banaya hota

mere ahvāl kā afsāna banāyā hotā

har parī-zād ko dīvāna banāyā hotā

tū jo raushan mirā kāshāna banāyā hotā

muñh har ik sham.a se parvāna banāyā hotā

haar to us ke gale ke na bane ashk mire

dil ko baale hī kā durdāna banāyā hotā

dekhī masjid kī banā maiñ ne ye dil maiñ sochā

kaash is jā koī mai-ḳhāna banāyā hotā

dekhte shauq se chhātī ko lagā bhī lete

dil ko jo ā.īna-ḳhāna na banāyā hotā

hasrat-e-bosa-e-lab kis liye jānāñ rahtī

ḳhaak se mere jo paimāna banāyā hotā

sar ko baazū pe mire aap jo rakh kar sote

zulf kā palkoñ hī se shāna banāyā hotā

chaman-e-kūcha-e-jānāñ meñ jo hotā maiñ 'nasīm'

ġhair ko sabza-e-begāna banāyā hotā

mere ahwal ka afsana banaya hota

har pari-zad ko diwana banaya hota

tu jo raushan mera kashana banaya hota

munh har ek shama se parwana banaya hota

haar to us ke gale ke na bane ashk mere

dil ko baale hi ka durdana banaya hota

dekhi masjid ki bana main ne ye dil main socha

kash is ja koi mai-KHana banaya hota

dekhte shauq se chhati ko laga bhi lete

dil ko jo aaina-KHana na banaya hota

hasrat-e-bosa-e-lab kis liye jaanan rahti

KHak se mere jo paimana banaya hota

sar ko bazu pe mere aap jo rakh kar sote

zulf ka palkon hi se shana banaya hota

chaman-e-kucha-e-jaanan mein jo hota main 'nasim'

ghair ko sabza-e-begana banaya hota