mere ashaar mere zehn ki ijad nahin

mere ash'ār mire zehn kī ījād nahīñ

kaun kahtā hai mirī fikr ḳhudā-dād nahīñ

kyā ta'ajjub hai zabāñ par mirī fariyād nahīñ

aaj vo paas hai phir bhī mirā dil-shād nahīñ

dasht-o-sahrā kī fazāoñ meñ bhī dil-shād nahīñ

kaisā dīvāna hai jo 'ishq meñ barbād nahīñ

kaisī vīrān sī bastī meñ chalā aaya huuñ

sab hī barbād yahāñ koī bhī ābād nahīñ

merā andāz-e-'ibādat hī judāgāna hai

kaun kahtā hai mujhe merā ḳhudā yaad nahīñ

maiñ to kahtā huuñ ki shāgird ho mujh sā 'adnān'

mere ustād ke jaisā koī ustād nahīñ

mere ash'ar mere zehn ki ijad nahin

kaun kahta hai meri fikr KHuda-dad nahin

kya ta'ajjub hai zaban par meri fariyaad nahin

aaj wo pas hai phir bhi mera dil-shad nahin

dasht-o-sahra ki fazaon mein bhi dil-shad nahin

kaisa diwana hai jo 'ishq mein barbaad nahin

kaisi viran si basti mein chala aaya hun

sab hi barbaad yahan koi bhi aabaad nahin

mera andaz-e-'ibaadat hi judagana hai

kaun kahta hai mujhe mera KHuda yaad nahin

main to kahta hun ki shagird ho mujh sa 'adnan'

mere ustad ke jaisa koi ustad nahin