mere dil-e-nadan pe nishan yun hi nahin tha

mere dil-e-nādāñ pe nishāñ yuuñ hī nahīñ thā

vo zaḳhm mire dil kā javāñ yuuñ hī nahīñ thā

kal raat nigāhoñ se bhī kuchh baat huī thī

kal raat ye dil dasht-e-gumāñ yuuñ hī nahīñ thā

manzar tirī yādoñ ke sulagte rahe dil meñ

dilbar mire kamre meñ dhuāñ yuuñ hī nahīñ thā

rakkhā na thā kāñdhe pe mire haath kisī ne

andar mire ye dariyā nihāñ yuuñ hī nahīñ thā

rut aa.ī ga.ī par kabhī vo shaḳhs na barsā

chehre pe mire rang-e-ḳhizāñ yuuñ hī nahīñ thā

maiñ ne hī bachāyā thā use duniyā-jahāñ se

maiñ us ke liye arsh-makāñ yuuñ hī nahīñ thā

us ne hī shab-e-ġham meñ dikhā.ī thī har ik raah

vo 'jhā' ke liye nūr-fishāñ yuuñ hī nahīñ thā

mere dil-e-nadan pe nishan yun hi nahin tha

wo zaKHm mere dil ka jawan yun hi nahin tha

kal raat nigahon se bhi kuchh baat hui thi

kal raat ye dil dasht-e-guman yun hi nahin tha

manzar teri yaadon ke sulagte rahe dil mein

dilbar mere kamre mein dhuan yun hi nahin tha

rakkha na tha kandhe pe mere hath kisi ne

andar mere ye dariya nihan yun hi nahin tha

rut aai gai par kabhi wo shaKHs na barsa

chehre pe mere rang-e-KHizan yun hi nahin tha

main ne hi bachaya tha use duniya-jahan se

main us ke liye arsh-makan yun hi nahin tha

us ne hi shab-e-gham mein dikhai thi har ek rah

wo 'jha' ke liye nur-fishan yun hi nahin tha