mere dil mein ghar bhi banata rahta hai

mere dil meñ ghar bhī banātā rahtā hai

aur dil par nashtar bhī chalātā rahtā hai

dushman kī bātoñ meñ aa kar bhaa.ī mirā

sab se jaane kyā kyā kahtā rahtā hai

detā hai paiġhām-e-mohabbat duniyā ko

ḳhud nafrat kī aag lagātā rahtā hai

bhaa.ī mirā jo paikar thā hamdardī kā

raah meñ merī ḳhaar bichhātā rahtā hai

gum-sum us kī yaad meñ rahtā hai aksar

āñkhoñ se vo ashk bahātā rahtā hai

vo to ḳhud ik pyāsā hai shāhid 'ġhāzī'

phir bhī sab kī pyaas bujhātā rahtā hai

mere dil mein ghar bhi banata rahta hai

aur dil par nashtar bhi chalata rahta hai

dushman ki baaton mein aa kar bhai mera

sab se jaane kya kya kahta rahta hai

deta hai paigham-e-mohabbat duniya ko

KHud nafrat ki aag lagata rahta hai

bhai mera jo paikar tha hamdardi ka

rah mein meri KHar bichhata rahta hai

gum-sum us ki yaad mein rahta hai aksar

aankhon se wo ashk bahata rahta hai

wo to KHud ek pyasa hai shahid 'ghazi'

phir bhi sab ki pyas bujhata rahta hai