mere jaisa koi apna nahin paya hoga

mere jaisā koī apnā nahīñ paayā hogā

chāñd ko dukhḌā tabhī us ne sunāyā hogā

guftugū hañs ke vo kartā hai har ik se lekin

dard dil kā kabhī lahje meñ bhī aayā hogā

merī yādeñ to darīchoñ se bhī jā saktī haiñ

qufl to us ne dar-e-dil pe lagāyā hogā

rok paatā vo umaDtā huā dariyā kab tak

lag ke dīvār se ashk us ne bahāyā hogā

mujh ko mā'lūm hai ḳhud se vo laḌā hogā bahut

baḌī mushkil se mirā naqsh miTāyā hogā

saiñkaḌoñ kirchiyāñ āñkhoñ maiñ chubhī hoñgī tirī

TuuTe ḳhvāboñ kā janāza jo uThāyā hogā

vā'de jo mujh se kiye us ne sabhī toḌ diye

na sahī mujh se kisī se to nibhāyā hogā

mere jaisa koi apna nahin paya hoga

chand ko dukhDa tabhi us ne sunaya hoga

guftugu hans ke wo karta hai har ek se lekin

dard dil ka kabhi lahje mein bhi aaya hoga

meri yaaden to darichon se bhi ja sakti hain

qufl to us ne dar-e-dil pe lagaya hoga

rok pata wo umaDta hua dariya kab tak

lag ke diwar se ashk us ne bahaya hoga

mujh ko ma'lum hai KHud se wo laDa hoga bahut

baDi mushkil se mera naqsh miTaya hoga

sainkaDon kirchiyan aankhon main chubhi hongi teri

TuTe KHwabon ka janaza jo uThaya hoga

wa'de jo mujh se kiye us ne sabhi toD diye

na sahi mujh se kisi se to nibhaya hoga