mere lafzon par na ja aaraish-e-guftar dekh

mere lafzoñ par na jā ārā.ish-e-guftār dekh

raushnī kyā dekhtā hai sho.ala-e-afkār dekh

be-sabab hai ḳhār-o-ḳhas par hī nazar rakhne kī baat

dāvat-e-nazzārgī detā huā gulzār dekh

ab to is ghar ke liye taaza havā ke saath saath

raushnī bhī lā.egī girtī huī dīvār dekh

is khañDar par ik na.ī bastī basā.ī jā.egī

dekh mat āsār kā manzar pas-e-āsār dekh

har ghaḌī kī sādgī se kaam chal saktā nahīñ

maslahat se Daal dete haiñ kabhī talvār dekh

mere lafzon par na ja aaraish-e-guftar dekh

raushni kya dekhta hai shoala-e-afkar dekh

be-sabab hai KHar-o-KHas par hi nazar rakhne ki baat

dawat-e-nazzargi deta hua gulzar dekh

ab to is ghar ke liye taza hawa ke sath sath

raushni bhi laegi girti hui diwar dekh

is khanDar par ek nai basti basai jaegi

dekh mat aasar ka manzar pas-e-asar dekh

har ghaDi ki sadgi se kaam chal sakta nahin

maslahat se Dal dete hain kabhi talwar dekh