mere mathe pe likho baKHt se haara hua hai
mere mathe pe likho baKHt se haara hua hai
Ahmad Iftikhar khatak
MORE BYAhmad Iftikhar khatak
mere māthe pe likho baḳht se haarā huā hai
ik zabardast zabardast se haarā huā hai
hārte hārte sab haar gayā ishq meñ maiñ
sab samajhte haiñ magar dasht se haarā huā hai
dekhnā chāhtā hai peḌ pe phalte hue phuul
ek pattā jo tire taḳht se haarā huā hai
ab jo hijrāñ meñ mujhe detā hai tāvīleñ bahut
zehn vo jo dil-e-kam-baḳht se haarā huā hai
dasht-e-imkān khulā mujh pe to ma.alūm paḌā
har koī dil ke dar-o-bast se haarā huā hai
maiñ samajhtā huuñ zamāne kā ishāra 'ahmad'
aur yahāñ kaun hai jo dasht se haarā huā hai
mere mathe pe likho baKHt se haara hua hai
ek zabardast zabardast se haara hua hai
haarte haarte sab haar gaya ishq mein main
sab samajhte hain magar dasht se haara hua hai
dekhna chahta hai peD pe phalte hue phul
ek patta jo tere taKHt se haara hua hai
ab jo hijran mein mujhe deta hai tawilen bahut
zehn wo jo dil-e-kam-baKHt se haara hua hai
dasht-e-imkan khula mujh pe to malum paDa
har koi dil ke dar-o-bast se haara hua hai
main samajhta hun zamane ka ishaara 'ahmad'
aur yahan kaun hai jo dasht se haara hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
