mere qisse jab parindon ne sune uDne lage
mere qisse jab parindoñ ne sune uḌne lage
kahkashāñ kī misl raahī ko sabhī raste lage
haar kar vo jān-o-dil bhī ḳhush haiñ tere shahr meñ
'āshiqoñ ko mahñge saude bhī bahut saste lage
ḳhud bane īñdhan chaman meñ aag phūloñ ko lagī
jāgtī āñkhoñ ke mujh ko ḳhvāb bhī sho'le lage
dāstāñ-go se shikāyat hī rahegī 'umr bhar
shab ne to karvaT na badlī log kyoñ sone lage
sabz shāḳhoñ par sulagte phuul kaliyāñ dekh kar
mundamil jo zaḳhm ho vo zaḳhm bhī risne lage
aadmī sab se muqaddam hai yahī samjhā huuñ maiñ
'ārzī har ik riyāzat meñ mujhe rishte lage
bārhā aisā huā dil se shihāb-e-ġham uThā
dostoñ ne jab sunā pāgal mujhe kahne lage
mere qisse jab parindon ne sune uDne lage
kahkashan ki misl rahi ko sabhi raste lage
haar kar wo jaan-o-dil bhi KHush hain tere shahr mein
'ashiqon ko mahnge saude bhi bahut saste lage
KHud bane indhan chaman mein aag phulon ko lagi
jagti aankhon ke mujh ko KHwab bhi sho'le lage
dastan-go se shikayat hi rahegi 'umr bhar
shab ne to karwaT na badli log kyon sone lage
sabz shaKHon par sulagte phul kaliyan dekh kar
mundamil jo zaKHm ho wo zaKHm bhi risne lage
aadmi sab se muqaddam hai yahi samjha hun main
'arzi har ek riyazat mein mujhe rishte lage
barha aisa hua dil se shihab-e-gham uTha
doston ne jab suna pagal mujhe kahne lage
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.