mere to roz-o-shab se KHasara nahin gaya

mere to roz-o-shab se ḳhasāra nahīñ gayā

shāyad ki tum ko dil se pukārā nahīñ gayā

be-rabt ho ga.ī hai tire baad is tarah

phir zindagī ko ham se guzārā nahīñ gayā

mahfūz merī āñkheñ meñ ruḳhsat kā vaqt hai

in donoñ khiḌkiyoñ se nazāra nahīñ gayā

chehre pe hai ayaañ vahī tahrīr-e-dil-shikast

mujh se to aur ruup bhī dhārā nahīñ gayā

kashtī vafā kī Duubī to bahr-e-yaqīn meñ

maujeñ ga.ī haiñ saath kināra nahīñ gayā

TuuTā falak se jo bhī zamīñ-zād ban gayā

vāpas palaT ke phir vo sitāra nahīñ gayā

ai 'hādia' sañvār dī duniyā kī rahguzār

lekin nasīb apnā sañvārā nahīñ gayā

mere to roz-o-shab se KHasara nahin gaya

shayad ki tum ko dil se pukara nahin gaya

be-rabt ho gai hai tere baad is tarah

phir zindagi ko hum se guzara nahin gaya

mahfuz meri aankhen mein ruKHsat ka waqt hai

in donon khiDkiyon se nazara nahin gaya

chehre pe hai ayan wahi tahrir-e-dil-shikast

mujh se to aur rup bhi dhaara nahin gaya

kashti wafa ki Dubi to bahr-e-yaqin mein

maujen gai hain sath kinara nahin gaya

TuTa falak se jo bhi zamin-zad ban gaya

wapas palaT ke phir wo sitara nahin gaya

ai 'hadia' sanwar di duniya ki rahguzar

lekin nasib apna sanwara nahin gaya